ვერონიკა თუმანიშვილი, (დ. 19 აპრილი, 1922, ქ. თბილისი -გ. 30 ივლისი, 2009, ქ. თბილისი) ქართველი მუსიკოსი, პიანისტი და დამსახურებული პედაგოგი.

ექვსი წლიდან  სწავლა კონსერვატორიასთან არსებულ ნიჭიერ ბავშთა ჯგუფში დაიწყო, (რომელიც  შემდგმში გახდა  ზ. ფალიაშვილის სახელობის  ცენტრალური მუსიკალური სკოლა), პროფ. ანა თულაშვილის კლასში, რომელიც გახლდათ ქართული საფორტეპიანო სკოლის ერთერთი ფუძემდებელი საქართველოში.

მან განსაკუთრებული მუსიკალური ნიჭი ადრინდელ ასაკში გამოავლინა და ბევრი გამოჩენილი მუსიკოსის ყურადღება მიიპყრო. მათ შორის დიდი რუსი  პიანისტების,  ჰენრიხ ნეიგაუზისა და მარია იუდინასი, რომლებმაც მაღალი შეფასება მისცეს მის საშემსრულებლო ხელოვნებას.  

ოსტატობის დახვეწა თბილისის კონსერვატორიაში განაგრძო ცნობილ მოსკოველ პიანისტ და პედაგოგთან, პროფ. ალექსანდრე იოხელესთან. სამწუხაროდ, ხელების დაავადების გამო საკონცერტო კარიერაზე უარი თქმა მოუწია და მთელი თავისი ნიჭი და გამოცდილეობა მთლიანად პედაგოდიურ მოღვაწეობას და ახალაგაზრდა თაობის აღზრდას მოახმარა. 

ხანგრძლივი პერიოდის განმავლობაში მუშაობდა ზ. ფალიაშვილის სახელობის თბილისის ცენტრალურ სამუსიკო სკოლაში (“ნიჭიერთა ათწლედი”), სადაც აღზარდა რჩეულ პიანისტთა არაერთი თაობა, რომელიც დღეს  საქართველოში და მსოფლიოს სხვადასხვა ქვეყანაში მოღვაწეობს.

მის მოწაფეებს შორის შეიძლება დავასახელოთ ნიუ-ორკში მანჰეტენის მუსიკალური სკოლის  წამყვანი პედაგოგი და საერთაშორისო კონკურსის ლაურეატი, ნათელა მჭედლიშვილი. 
იერუსალიმის მუსიკისა და ბალეტის აკადემიის კონსერვატორიის  დირექტორი, პროფ. ლეა აგმონი. 
ამჟამად ჰოლანდიაში მცხოვრები პიანისტი და პედაგოგი, საერთაშორისო კონკურსებისა და აგრეთვე ბორლეტი–ბუიტონის პრემიის ლაურეატი, ნინო გვეტაძე,  რომელიც მსოფლიოს სხვადასხვა ქვეყნებში აქტიურ საშემსრულებლო მოღვაწეობას ეწევა.  საფრანგეთში მოღვაწე  პიანისტი, მეგი სპარსიაშვილი, თბილისის ზ. ფალიაშვილის სახელობის ცენტრალური მუსიკალური სკოლის, „ნიჭიერთა ათწლედის“ წამყვანი პედადგოგი, ლალი რჩეულიშვილი და სხვ.  

მას ასევე ჰყავდა მოსწავლეები, რომელთაც მუსიკის გარდა სხვადასხვა სფეროში გაითქვეს სახელი.  მაგალითად, ცნობილი ხელოვნებათმცოდნე პროფ. დიმიტრი

თუმანიშვილი, მუსიკოსი, მსახიობი და მხატვარი, ლიკა ქავჟარაძე,  პოლიტიკის სფეროში მოღვაწე ნინო კობახიძე   და მრავალი სხვა.

ვერონიკა თუმანიშვილი სიცოცხლის ბოლომდე აქტიურ პედაგოგიურ მოღვაწეობას ეწეოდა. გარდაიცვალა 87 წლის ასაკში, 2009 წლის 30 ივლისს. 

ვერონიკა თუმანიშვილი, დეიდა ელენე შაბუროვასთან ერთად

 ვერონიკა, მეუღლესთან, გიორგი კეჩხუაშვილთან ერთად

ვერონიკა თავის მასწავლებელთან, ანა თულაშვილთან ერთად

 ვერონიკა, მამასთან, ივანე თუმანიშვილთან ერთად